‘கிரிஷ்’ (Krrish) கொடுக்கல் வாங்கல் சம்பவம் தொடர்பில் சந்தேகத்தின் பேரில் விளக்கமறியலில் வைக்கப்பட்டுள்ள முன்னாள் ஜனாதிபதி மஹிந்த ராஜபக்ஷவின் மகனும், ஸ்ரீலங்கா பொதுஜன பெரமுனவின் தேசிய அமைப்பாளரும், பாராளுமன்ற உறுப்பினருமான நாமல் ராஜபக்ஷ மற்றும் அக் கம்பனியின் முன்னாள் பணிப்பாளரான ஜானகி சிறிவர்தன ஆகியோரை எதிர்வரும் 16ஆம் திகதி வரை தொடர்ந்து விளக்கமறியலில் வைக்குமாறு கொழும்பு மேலதிக நீதிவான் அசங்க எஸ். போதரம இன்று (06) உத்தரவிட்டுள்ளார்.
லஞ்ச ஊழல் ஒழிப்பு ஆணைக்குழுவின் அதிகாரிகள் மற்றும் சந்தேகநபர்களின் சட்டத்தரணிகள் முன்வைத்த கருத்துக்களை பரிசீலித்த பின்னரே நீதிவான் இந்த உத்தரவை பிறப்பித்துள்ளார்.
சந்தேகநபர்களின் பிணை கோரிக்கை தொடர்பான உத்தரவும் அன்றைய தினமே அறிவிக்கப்படும் என்றும் அந்த உத்தரவில் மேலும் குறிப்பிடப்பட்டுள்ளது.
