ශ්‍රීලනිප ව්‍යවස්ථාවට හා පක්ෂ නීතිරීතිවලට පටහැනිව ක්‍රියා කරමින් මහ මැතිවරණයට තරඟ කිරීමට ඉදිරිපත් වූ ශ්‍රීලනිප සාමාජිකයන් වූ වෛද්‍ය රාජිත සේනාරත්න, එස්.බී. නාවින්න, එම්.කේ.ඩී.එස්. ගුණවර්ධන, අරජුන රණතුංග හිරුණිකා ප්‍රනාන්දු යන අයගේ පක්ෂ සාමාජිකත්වය තහනම් කිරීමට පියවර ගෙන ති‍බේ.
අද(28) පස්වරුවේ මාධ්‍ය නිවේදනයක් නිකුත් කරමින් ජනපති මාධ්‍ය ඒකකය මේ බව සඳහන් කර ඇත.
ජනාධිපති මෛත්‍රීපාල සිරිසේන මහතා විසින් අදාළ සාමාජිකයින් වෙත ඒ බව දන්වා යවා ඇති බවද අදාළ මාධ්‍ය නිවේදනයේ වැඩිදුරටත් සඳහන් වෙයි.
