හෙට අනිද්දා පාර්ලිමේන්තුව නොපැවැත්වෙයි

පවතින ආපදා තත්වය සැලකිල්ලට ගෙන හෙට (28) සහ අනිද්දා (29) යන දෙදින තුළ පාර්ලිමේන්තුවේ අයවැය කාරක සභා විවාදය නොපැවැත්වීමට තීරණය කර තිබේ.

ඒ, අද (27) දහවල් පැවැති පක්ෂ නායක රැස්වීමේදී ගත් තීරණයක් අනුවය.

ඒ අනුව ලබන සඳුදා (01) දිනයේදී යළි පාර්ලිමේන්තුව රැස්වීමට නියමිත අතර සඳුදා සහ අඟහරුවාදා යන දෙදින තුළ පාර්ලිමේන්තුව මධ්‍යම රාත්‍රිය දක්වාම පැවැත්වීමට මෙහිදී තීරණය කර ඇත.

ඒ අනුව සඳුදා සහ අඟහරුවාදා දිනයන්වල උදෑසන 09 සිට පස්වරු 06 දක්වා එදිනට නියමිත විවාදය පැවැත්වෙන අතර සවස 06 සිට මධ්‍යම රාත්‍රිය දක්වා හෙට සහ අනිද්දා යන දෙදින තුළ පැවැත්වීමට සැලසුම් කර තිබූ විවාදය සිදුකෙරෙනු ඇත.