චීනයේ තාක්ෂණික දැවැන්තයෙකු විදුලි මෝටර් රථ අලෙවිය ආරම්භ කරයි

තම පළමු විද්‍යුත් වාහනය බෙදා හැරීම මේ මාසයේ ආරම්භ කරන බව තරඟකාරී මෝටර් රථ කර්මාන්තයට පිවිසෙමින් චීන තාක්‍ෂණ දැවැන්තයෙකු වන Xiaomi පවසයි.

මාර්තු 28 දා එම මෝටර් රථයේ මිල ප්‍රකාශයට පත් කිරීමට බලාපොරොත්තු වන බව Xiaomi පවසයි. එමෙන්ම චීනයේ පස්වන විශාලතම ස්මාර්ට්ෆෝන් නිෂ්පාදකයා පවසන්නේ එම මෝටර් රථ ඇණවුම් ලබා ගැනීම සඳහා රට පුරා නගර 29ක වෙළඳසැල් 59ක් සූදානමින් සිටින බවය.

පසුගිය වසරේදී Speed ​​Ultra 7 (SU7) එළිදැක්වීමේදී මෙම මෝටර් රථයේ නිෂ්පාදකයා වන Xiaomi හි ප්‍රධාන විධායක Lei Jun පවසා ඇත්තේ තම සමාගම ලොව ප්‍රමුඛතම මෝටර් රථ නිෂ්පාදකයින් පස් දෙනා අතරට පැමිණීමට අපේක්ෂා කරන බවය.

ඉදිරි වසර 10 තුළ සිය වාහන ව්‍යාපාරය සඳහා ඩොලර් බිලියන 10 (පවුම් බිලියන 7.8ක්) ආයෝජනය කරන බව ස්මාර්ට්ෆෝන් දැවැන්තයා පවසා තිබේ.

මෙම මෝටර් රථයේ නිෂ්පාදකයා වන Xiaomi හි ප්‍රධාන විධායක Lei Jun පවසන්නේ SU7 යනු වේගයෙන් වේගවත් කිරීමේ හැකියාව ඇති “සුපිරි විදුලි මෝටර” තාක්‍ෂණයක් බවය. මෙම SU7 නිෂ්පාදනය කරනු ලබන්නේ වසරකට වාහන ලක්ෂ දෙකක් (200,000) පමණ නිෂ්පාදනය කළ හැකි බීජිං හි පිහිටි චීන රජය සතු මෝටර් රථ නිෂ්පාදක BAIC සමූහයේ කර්මාන්ත ශාලාවකදීය.

මෙම සුපිරි මෝටර් රථය වෙළඳපොළට නිකුත් කිරීමේ නිවේදනය නිකුත් කිරීමත් සමග Xiaomi කොටස් හොංකොං හි 10% කින් ඉහළ ගොස් තිබේ.